Papirarbeidet starta for tre år sidan, og det har
vore ein ganske vanskeleg prosess. Vi har gått inn
og ut av kontor, og møtt ein god del motstand,
seier formann i Florø Motorsportklubb, Aslak
Holmen.
 |
|
SNORKLIPPING: Aslak Holmen i
Florø Motorsportklubb
erklærer motocrossbana i Florø for opna. Foto: Keth
Øren |
Den nye motocrossbana i Botnastranda er den første
i sitt slag i Florø, og det betyr at vaksne, samt
barn og ungdom på mindre motorsyklar og ATV-ar, no
har ein plass der dei kan trene lovleg.
Motorsportklubben fekk endeleg låne ei tomt av hamn
og næringsavdelinga i Flora kommune. Men
låneavtalen er av den usikre sorten.
Ikkje permanent
– Vi kan bli nøydde til å flytte oss på kort
varsel. Vi jobbar med alternativ, men har ikkje
noko konkret område vi ser på akkurat no, seier
Holmen.
Fleire har støtta prosjektet, og Holmen retta ei
takk til kommunen, Florø MC–klubb og dugnadsgjengen
i sin opningstale.
Bana har blitt til ved hjelp av dugnadsarbeid og
velvillige sponsorar. I tillegg har
motorsportklubben fått 4000 kroner i kulturstøtte.
Eit hundretals personar hadde samla seg til den
offisielle opninga av motocrossbana. Aslak Holmen
stod for snorklippinga, og var etterpå den første
til å køyre igjennom den 350 meter lange løypa
saman med Kristoffer Kinn Kvamme.
Etterpå fekk også smårollingane prøve seg på bana
dei sjølve har vore med å byggje. |
 |
|
KLAR BANE: Motocrossbana i
Botnastranda er den første i sitt slag i Florø og
er no endeleg klar til bruk. Kristoffer Kinn Kvamme
fekk køyre igjennom løypa etter opninga på ein ATV
på 400 kubikk. Foto: Keth Øren |
Krevjande idrett
– Dette er ein uteidrett som er veldig krevjande,
og det er god fysisk trening. Det er ikkje lengje
ungane kan halde på før dei må slappe av, seier
Holmen.
Dei unge får køyre ATV og tohjulingar på bana,
såkalla knattecross. Sjølv om desse doningane er
mindre, kan dei gå i 50 km/t, og born må køyre på
godkjend bane og ha med følgje til dei er 16 år.
Dei må også ha eigne lisensar for å køyre.
– Om lag 40 ungar er med, og ganske mange har vore
flittige med å bere dekk til bana. Førebels har vi
trening ein gong i veka, og det er mogleg å ta
eindagslisensar, seier Holmen.
Gler seg til kappkøyring
Ivrig smågutar på motorsyklar var høgt opp under
opnigna av motocrossbana laurdag. Mest av alt gler
dei seg til å kappkøyre.
Ikkje uventa tykte gutane det var veldig kjekt å
prøvekøyre den nye bana, og sjølv ikkje januarkulde
la ein dempar på gleda.
 |
| MC-FRELSTE: Desse gutane
tykte det var storvegs å få køyre på ei ordentleg
motorcrossbane. No vil dei trene masse og målet er
å verte profesjonelle motorsyklistar. Frå venstre:
Hans-Inge Os (8), Adrian Skånevik Hjelle (8),
Kim-André Sørgulen (8) og Oskar Os (6). Foto: Keth
Øren |
– Eg køyrde forbi alle unnateke to, seier
Adrian Skånevik Hjelle (8) stolt.
Han og kameratane hadde gjerne lyst til å køyre
fortare, og gler seg til kappkøyrings-konkurransane
seinare.
– Kven har den beste motorsykkelen?
– Eg har den beste! ropar Adrian, som køyrer ein
Suzuki.
– Nehehei! protesterer Christian Strømsøy,
Hans-Inge Os, Kim-André Sørgulen og Oskar Os.
Men etterkvart blir dei snart samde om at Adrian
sin motorsykkel har størst motor.
Alle gutane er også svært samde om at dei no skal
trene mykje, kanskje 100 timar, og verte
profesjonelle motorsyklistar når dei vert store.
– Eg skal ha meg ein hundrekubikkar, seier
Kim-André Sørgulen (8).
– Kva er det beste motorsykkelmerket då?
– Yamaha! ropar gutane.
– Suzuki! ropar Adrian, og dermed er nok ein
høglydt diskusjon i full gang |
| |
|
Les og ka
Firdaposten skreiv |
